Сегодня в 7 “Ә” классе прошёл открытый урок по русскому языку на тему «Внешняя и внутренняя красота» в рамках месячника русского языка.
Новости
«Дағдарысқа түскен жастар мен жасөспірімдер арасында психологиялық көмек көрсету және алдын алу» тақырыбында семинар-тренинг өтілді.
Отырар ауданының ішкі саясат бөлімінің «Жастар ресурстық орталығы» КММ-нің психолог маманымен 2025 жылдың 11 қараша күні Ө. Жәнібеков атындағы №4 лицей-интернатында 5–11 сынып оқушыларына арналған «Дағдарысқа түскен жастар мен жасөспірімдер арасында психологиялық көмек көрсету және алдын алу» тақырыбында семинар-тренинг ұйымдастырылды.
Іс-шараның мақсаты – аутодеструктивті мінез-құлықтың алдын алу және жасөспірімдердің өмірлік қиындықтармен күресу дағдыларын қалыптастыру, дағдарыс жағдайындағы мінез-құлықтың алдын алу және психологиялық көмек көрсету жолдарын түсіндіру.
Бүгін 09.12.2025 ж күні Ө.Жәнібеков атындағы №4 лицей-интернатында «Террористік тұрғыдан қауіптің алдын алу» бойынша мектепішілік обьектілік оқу жаттығуларын өткізу бойынша мектеп бұйрығы шығарылып, жоспары жасалды. Мектепте обьектілік жаттығудың алдын-алу штабы құрылды. Атқарылған жұмыстарға міндеттемелер бекітіліп, тапсырмаларды түсіндіру бойынша жұмыстар жүргізілді. Террористік жаттығулар қауіпсіздігінің алдын алу мақсатында өткізілетін іс-шараға ер мұғалімдер және 10-11 сынып оқушыларынан құтқарушы топ құрылды. Сағат 10-30 «БАРШАНЫҢ НАЗАРЫНА» құлақтандыру дабылы іске қосылды. I- ауысым бойынша 628 оқушы, мектеп ұстаздары мен техперсоналдар түгелдей эвакуациялау жұмыстарына қатысты. Оқу- жаттығу жоғары деңгейде өткізілді. Оқу жаттығу жиыны аяқталған соң атқарылған жұмыстар бойынша қорытынды жұмыстар жасалды
“Ө.Жәнібеков атындағы №4 лицей-интернат” КММ.
2025 жылдың 8 желтоқсанында Садық Нұргүл жетекшілік ететін 1 “В” сынып оқушылары кітапханаға саяхат жасады.
*Мұндағы мақсат:* Балаларды кітап оқуға шақыру және қызығушылықтарын арттыру.
Мектеп кітапханашысы Нұрмаш Гүлбарам апай бүлдіршіндерді жылы жүзбен қарсы алып, түрлі суретті кітаптармен таныстырды. Және балаларға ертегілер оқылып, оны өзара талқылады. Балалар кітапханадан өздері ұнатып жүрген жаңа ертегі кітаптарды тапқанын, бұл жер өте тыныш, жайлы, және тағы да асыға келетінін айтты.
Ө. Жәнібеков атындағы №4 лицей-интернатында 11 - сынып оқушыларына емтиханға дайындық мақсатында бірқатар психологиялық және ақпараттық жұмыстар жүргізілді.
1. Есте сақтау заңдылықтары және жұмыс қабілетін арттыру тақырыптарында
Педагог-психолог Д. Масанова оқушыларға есте сақтау механизмдері, ақпаратты тиімді меңгеру жолдары, оқу барысында назар мен жұмыс қабілетін жақсарту әдістері жөнінде тренинг өткізді. Сабақ барысында оқушылар жадты дамытуға арналған практикалық жаттығулар орындады.
2. «Мемлекеттік емтиханға психологиялық дайындық» күшейту мақсатында бітіруші түлектерге емтихан алдындағы күйзелісті басқару, қорқынышты жеңу, уақытты дұрыс бөлу, өзін сабырлы күйде ұстау бойынша арнайы жадынамалар таратылды. Педагог-психолог түлектердің эмоционалдық тұрақтылығын нығайтуға бағытталған тиімді кеңестер берді.
3. ҰБТ ережелері және кәсіби бағдар
Кәсіби бағдар беруші маман Қ. Жорабекова Ұлттық бірыңғай тестілеудің жаңартылған ережелерімен таныстырып, тестілеу форматы, аудитория талаптары, тыйым салынған заттар, апелляция процесі сияқты маңызды аспектілер бойынша толық ақпарат берді. Сонымен қатар, мамандық таңдау, болашақ бағытты анықтау жөнінде пайдалы кеңестер ұсынды.
Іс-шара түлектердің емтиханға сенімділікпен, жүйелі түрде дайындалуына қолдау көрсету мақсатында ұйымдастырылды.
Барша 11-сынып оқушыларына сәттілік тілейміз!
Ата-аналарды педагогикалық-психологиялық қолдау бағдарламасы аясында өткізілген семинар-тренинг
Мектебімізде ата-аналармен өзара ынтымақтастықты нығайту, оқушылардың эмоциялық саулығын арттыру және тәрбиелік үдерістің тиімділігін күшейту мақсатында бірқатар семинар-тренинг ұйымдастырылды. Семинар-тренингті мектеп психологы Д.Масанова және Жастар ресурстық орталығының психолог маманы Ә.Маханбетжанның бірлесе ұйымдастыруымен өткізілді.
Бағдарлама шеңберінде:
Ата-аналарға арналған «Бала тәрбиесі» тақырыбындағы сауалнама жүргізілді;
«Эмоциялар және оларды білдіру жолдары» атты тренинг өткізілді;
Тренинг барысында ата-аналар мен оқушыларға бағытталған бірлескен психологиялық жаттығулар орындалды;
- Ата-аналар қауымына арналған «Бала – біздің айнамыз» тақырыбындағы семинар-тренинг ұйымдастырылып, бала тәрбиесі, эмоциялық қолдау және отбасы ішілік қарым-қатынас мәселелері талқыланды.
Ағылшын тілі апталығы барысында "Time travel through music" атты іс шара өтті.
«Time Travel Through Music» іс-шарасының мақсаты — оқушыларды музыка арқылы уақыт кезеңдерімен таныстыру, ағылшын тілінде ән айту, сөйлеу және сахналық өнер дағдыларын дамыту. Әр сынып белгілі бір дәуірдің хит әндерін орындап, шығармашылық қабілеттерін көрсетті.
Іс-шара барысында оқушылар XVI ғасырдан 2017 жылға дейінгі музыкалық хиттер арқылы уақыт саяхатын жасады.
10-сынып Шекспирдің "Romeo & Juliet" қойылымын сахналады.
7, 8, 9-сыныптар «Hit the road Jack», «One Way Ticket», «Cherry Cherry Lady», «Whenever, Wherever», «Waka Waka», «Love Me», «Believer» сияқты әндерді орындады.
7-сынып оқушысы Гауһартас Бекзат ағылшын әндерінен папури орындап, ерекше әсер қалдырды.
Сізді сағынамыз, ұстазым!
Жылы сөзіңіз бен жүрекке жол тапқан ақыл-кеңесіңіз әлі де есімізде. Сіз үйреткен әр сабақ – өмірлік азығымыз, әр айтқан сөзіңіз – бізге бағыт болған ізгі нұр. Зейнет жасыңыз шуақты да тыныш болсын, бірақ біз үшін әрдайым қадірлі ұстаз болып қала бересіз.
Құрметпен шәкірттері.
Астана қаласында өтетін ауыл мектептерінің оқушыларына арналған жалпы білім беретін пәндер бойынша республикалық олимпиаданың қоғамдық-гуманитарлық бағытында тарих пәнінен мектебімізден 11-сынып оқушысы Тұран Фаризаға жетекшісі Қасымбекова Айымкүл Ө.Жәнібеков атындағы №4 лицей-интернат директоры Е.Серікбаев және ұжым сәттілік тілеп, шығарып салды.
Ө. Жәнібеков атындағы №4 лицей-интернатында «Ауылдық аймақтардағы тірек мектептерінің әлеуетін арттыру» әлеуметтік жобасының іске асырылуы аясында 2025 жылдың 3 желтоқсанында «Зерттеу дағдыларының оқудағы маңыздылығы» тақырыбында Түркістан қаласы «Химия-биология бағытындағы Назарбаев Зияткерлі мектебі» филиалы мұғалімдерімен бірлескен іс-шара өткізілді. НЗМ директорының тәрбие ісі жөніндегі орынбасары А.Б.Мурзабеков және тірек мектебі ұжымының ұйымдастыруымен НЗМ және тірек мектебі мұғалімдерінің зертханалық құралдармен ашық сабақ өтуі, тірек мектеп мұғалімдерінің сабақтарына қатысу, бақыланған сабақтарға кері байланыс және ұсыныстар беру, зертханалық құралдармен жұмыс семинар-практикумдары, рефлексия және кері байланыс жұмыстары жүргізілді.
«Сабақтағы зертханалық жұмыстарды ұйымдастыру және жүргізу» бағыты бойынша 9 «В» сыныбында физика пәнінен «Салмақ. Салмақсыздық» тақырыбында Құсанова Нұржамал, химия пәнінен 10 «А» сыныбында «Тепе-теңдікке әсер ететін факторлар. Ле-Шателье принципі» тақырыбында Мусаева Ақбота, 8 «В» сыныбында биология пәнінен «Физикалық жаттығулардың жүрек жұмысына әсерін зерттеу» тақырыбында Жамекова Айнаш, информатика пәнінен 7 «А» сыныбында «Шартты пішімдеу» тақырыбында Туребеков Ырысдәулет зертханалық сабақтар жүргізді.
Келесі кезекте физика пәнінен Ғ.Пәзілбековтің 7 «Ә» сыныбындағы «Ауырлық күші және тартылыс күші және салмақ» тақырырыбында, 10 «Ә» сыныбындағы химия пәнінен Г.Шүкірбекованың «Химиялық тепе-теңдіктің ығысу жағдайлары», А.Бердімұратованың 7 «В» сыныбындағы биология пәнінен «Тыныс алудың типтері мен маңыздылығы, 7 «А сыныбындағы информатика пәнінен Г.Сүлейменованың «Шартты форматтау» тақырыбындағы сабақтарына еніп, тиімді кері байланыс жасалды.
Мұғалімдердің зерттеу қауымдастығын құру және дамыту: «Іс-әрекетті зерттеудің оқыту мен оқудағы оң әсері» бағыты бойынша НЗМ ағылшын тілі пәнінің мұғалімі Жанжігітова Гүлзада тірек мектебі директорының бейіндік оқыту жөніндегі орынбасары Бұйрабай Мұхамеджанмен бірлесе отырып, іс-әрекетті зерттеудің маңыздылығы, NIS SHARE жобасы бойынша семинар-практикум, халықаралық конфоренцияларға абстракт жазу бойынша шеберлік сағаты, ментор-менти жоспар құру бойынша тәжірибе алмасу жұмыстарын жасады.
НЗМ және тірек мектебі мұғалімдерінің арасында зертханалық құралдармен жұмыс жасау бойынша семинар мен тренингтер ұйымдастырылды.
NIS SHARE жобасы бойынша тірек мектебінің директоры Серікбаев Ерғали Қазыханұлы зерттеу тобына мүше болып еніп, алдағы уақытта бірлескен жұмыстарға қолдау көрсететіндігін айта келе, әріптестердің жұмыстарына сәттілік тіледі.
«Көркем жазу- өнер сайыс сабағы»
Мақсаты: Әріптерді дұрыс әдемі жазады. Жазу барысында әріптердің байланысын сақтайды.Жазу барысында қолдың дұрыс орналасуын қадағалайды.
Ө.Жәнібеков атындағы № 4 лицей- интернатында тақырыптық жоспар бойынша 27.11.2025ж 7 сыныптарға «Фотосинтез процесіне әсер ететін факторларды зерттеу» атты зертханалық жұмыс өтілді.
Жұмыстың мақсаты: Көмірқышқыл газының фотосинтез үшін маңызды екенін көз жеткізу.
Құрал-жабдықтар: бөлме өсімдігі (қазтамақ, жебежапырақ), спиртшам, су моншасы, Петри табақшалар, йод ерітіндісі, спирт, КОН ерітіндісі, термометр, вазелин, химиялық колбалар, пинцеттер, сым өлшемі.
Жұмыстың барысы: Бұл тәжірибені оқушылар 2025-2029 жылдарға арналған білім беру жүйесіндегі ЖИ ензізудің тұжырымдамалық тәсілдеріне сәйкес «Amrita Olabs Biology» https://www.olabs.edu.in/ платформасында оқулық пен видеолар қолдана отырып виртуалды түрде зертханалық жұмыстар жүргізілді.
І.Жапырақ атмосферада жапырақтың ашылуына жол бермеу үшін КОН ерітіндісіне батырылады және сынақ түтігі мен жапырақтың айналасында көмірқышқыл газын сіңіреді.
ІІ.Спирт хлорофиллді бөліп алу үшін қолданылады және индикаторлық ортаны қолданғанда анық бақылауға мүмкіндік береді.
ІІІ. Йод ерітіндісі бұл үлгідегі көк –қара түстің өзгеруі арқылы крахмалдың бар екенін көрсететін индикатор ретінде қызмет етеді, осылайша фотосинтез процесін көрсетеді.
Зертханалық жұмыстың қорытындысы: Зерттеу барысында крахмал органикалық зат ол суда ерімейді. Сондықтан жапырақты қайнатқанан кейін крахмал хлоропласта қалып оны йод ерітіндісі арқылы анықтады. Өсімдіктердің жапырақтарында крахмалдың пайда болуының міндетті шарты жарық болып табылады. Крахмал йод ерітіндісімен байланысқанда көк-қара түске айналғандықтан, жапырақтың көк-қара болған бөліктері фотосинтездік белсенділікті білдіретініне және хлоропластарда жарық әсерінен крахмал пайда болатынына көз жеткізді.
Қорытындылай келе, виртуалды зертханалық тәжірибелер-бұл шынайы эксперименттер мен компьютерлік модельдеулерді колдана отырып биологиялық процестерді зерттейді. Оқушылар биологиялық табиғи процестер мен құбылыстарды талдап қажетті бақылауларды жүзеге асырады.
