Құрметті ата-аналар мен білім беру саласының қызметкерлері!
2025-2026 оқу жылының аяқталуына байланысты Қазақстан Республикасы Оқу-ағарту министрлігі мен облыс әкімдігінің бірлескен бұйрығы қабылданды. Құжат талаптарына сәйкес, білім беру ұйымдарында келесі әрекеттерге ҚАТАҢ ТЫЙЫМ САЛЫНАДЫ:
Бітіру іс-шараларын өткізу:
Мектеп қабырғасында және одан тыс жерлерде (мейрамханалар, дәмханалар, жалдамалы пәтерлер мен демалыс аймақтарында) бітіру кештерін (банкеттер) ұйымдастыруға;
Заңсыз ақша жинау:
Түрлі сылтаулармен (мектепке немесе ұстаздарға сыйлық, мерекелік дастарқан, мерекелік шаралар және т.б.) ата-аналардан қаражат жинауға.
Біздің мақсатымыз:
Балаларымыздың қауіпсіздігін қамтамасыз ету және өңірімізде іске асырылып жатқан «Адал ата-ана — қауіпсіз балалық шақ» тұжырымдамасын сапалы орындау. Оқу жылының аяқталуына арналған іс-шаралар даңғазалықсыз, заң шеңберінде және тәрбиелік мәні жоғары деңгейде өтуі тиіс.
МАҢЫЗДЫ: Аталған мәселе білім басқармасы басшылығының қатаң бақылауында болады. Ережелердің сақталуын қамтамасыз ету — бәрімізге ортақ міндет.
Түсіністік танытып, заңдылықты сақтауға атсалысқандарыңыз үшін алғыс білдіреміз!
